ما هو أسعد وأجمل يوم في حياتك لن ينسى

أنا عندي اقتراح يارب ينول اعجابكم
طبعا الحياة لي بنعيشها كلها مشاغل وضغوط نفسية وصراعات ومثل ما فيها الأفراح والأوقات الجميلة فيها الأحزان والأوقات الحرجة, فياريت ناخد فسحة من وقت للثاني ننسى فيها المتاعب والضغوط حتى لو لفترة, وده لي خلانى فكرت فى هذه الفكرة أنا شخصيا عجباني لكن احب اعرف رأيكم ????
الفكرة كالتالي:
كل واحد منا يكتب لنا ما هو أسعد وأجمل يوم مر عليه في حياته أو بيتمنى يعيش اليوم ده بمعنى سواء حصل أو مستنينه يحصل فى المستقبل بفارغ الصبر ومستحيل اليوم ده يتمسح من ذاكرتنا أو ننساه مدى الحياة.
ملاحظة : أتمنى أشوف مشاركة جميع أعضاء المنتدى بدون استثناء بما فيهم أنا فياريت حد يبدأ .

فكره جميلة يا سندرلا بس لهلا مش قادره احدد اجمل يوم في حياتي بس لما يجي حقلكم عليه. بس اتصور انو حيكون يوم زواجي هاهاهاهاها يا كسوفي

أولا ميرسي لكل من شارك
أما أنت يا عمر ربنا يوفقك بما فيه الخير ليك ويارب تشوف اليوم ده في أقرب وقت
وأنت يا تو ربنا معاك أتمنى تحقق كل أحلامك وييجي أسعد يوم فى حياتك وتدوم الفرحة ونفرح معاك كلنا.
اما أنتي يا همس الروح ربنا يحقق لك مرادك وييجي يوم فرحك لي يكون أسعد يوم فى حياتك زي ما قلتي.مع أني منصحكيش تتسرعي وياريت عشان تفرحي على طول تحسني الاختيار.
وأنا كمان حضيف مشاركتي معاكم :
أسعد يوم في حياتي كان أول يوم قابلت فيه فارس أحلامي لكن تجري الرياح بما لا تشتهيه السفن, برده طلع وهم كبير وسراب أو بمعنى أصح صحيت على كابوس من حلم جميل وساحر وعلى جرح ملوش أول ولا أخر.
أتمنى من ربنا يخفف عني ويعوضني خير أدعو لي كلكم.
والله الموفق للجميع

ونعم بالله
تسلم يا عمر

سندريلا مش تندمي على مشاعر صادقة حسيتيها تجاه حد حتى لو مش يستاهل عشان المشاعر دي خاصة بيكي وملكك بس بادعيلك ربنا يعوضك احسن منو و ساعتها حاتقولي انا هلا بحب بجد :queen:

بيقولو ان الفرحه مش بيجيحى غير مره واحده وصح الكلام فلازم لما الفرحه تيجى لحد يعيشها بجد ويحسها اما انا بستنى ربنا يكرمنى بلى اتمناها ويوفقنى فى شغلى واشوفكم كلكم فراحنينن لانى بفرح لفرح الناس والله العظيم وربنا يديم المحبه ما بينا

ميرسي جدا لكل من شارك في الموضوع
واود ان اقول لكي يا همس الروح أني فعلا مقتنعة بكلامك وطول عمري بقول كده اني مش ندمانة على حب كبير كنيته لحد اعتبرته هو حلمي وعمري لانه حب صادق ومن صميم القلب وليس مغرض لكن دائما الضربة بتكون قاسية على نفس القلب ده لي حب بجد لانه على قد ما حب على قد ما تصدم وانجرح بألم شديد
اما انت يا احمد أشكر احساسك جميل لكن صدقني لو قلت لك مبقتش حاجة تفرحني لان الألم فوق الوصف.
الله الموفق للجميع